Powered By Blogger

30‏/08‏/2011

هل تغيّر طعم العيد أم تغيرنا نحن ؟

فى اول كلامى احب اقول سلام
جملة من زمان كنت بسمعها واتربيت عليها لما اعرف انى العيد قرب
كنت اقعد اقول العيد فرحة ومن ظرفى وتقل دمى وحبى فى التريقة 
كنت اقعد اقول العيد فرخة واجمل فرخة
زمان وانا صغير كنت بفرح اوووى فى العيد كان فى يومين فى السنة 
كنت دايما بشم فيهم فى الجو ريحة الهدوم والجذم الجديدة 
اول يوم العيد واول يوم المدراس من كل سنة 
وبالذات فى العيد كنت بحس انى انا فرحان اوووى والناس 
كلها فرحانة وكمان علشان انا ساكن فى منطقة شعبية يعنى اوووعى 
وشك على الحركات بقى . صوت البومب والصواريخ داة تحسوا انى فى حرب متعرفوش 
تناموا من كتر الهيصىة وضرب البومب والصواريخ وتهيص العيال كل اللى انا بحكى عليه
داة كنت بحس بيه بس للاسف زمان انا دلوقتى بصبر نفسى واقول يمكن علشان انا كبرت 
ومش بعمل العمايل السودة بتعت زمان بتعت انى اضرب بومبة فى دماغ صحبى واقولة كل سنة وانتا طيب 
ولا احط صروخ فى قميص عيل فى الشارع وقولة كل سنة وانتا طيب بردو ولا اكنى 
بعيد عليه انا بجد كنت عيل مفترى ومهيبرعلى الاخر بس بردو ببص على عيال اليومين
دول بلاقيهم كيوت و شيلين الفيشةعلى الاخر وتحسوا انى خلاص مفيش فرحة زى زمان 
حصلك اية يابلد حتى الكبار مبقوش يزورا بعض ويودوا بعض فى العيد زى 
زمان ليه فرحة العيد اتسرقت مننا وبقناش زى زمان داة انا بقيت فى اول يوم فى العيد بنام 
وبشخر كمان انا حاسس انى اللى احنا فيه داة علشان قلوب الناس هي اللي تغيرت يعني كانوا الناس 
زمان قلبها على بعض و تحب الخير للغير و كانت عايشة على الفطرة الطيبة و ما في اكل حرام يعني
كله من عرق الجبين لكن اليوم و ما ادراك ما اليوم دخل الجشع من اوسع الابواب و كذلك الحسد 
بالتأكيد احنا اللي اتغيرنا ... وبسرعه كبيره ... زمان كنت بشوف العيد لصله الرحم 
ونتجمع كلنا في البيت الكبير ... وكان طعم اليوم جميل كله فرحه بكل شيء من 
الملابس للتجمع لللعب ... للتسليه ... ام الأن نادر جدا ان نتجمع كلنا 
في يوم واحد ... وما ادراك والحجج ..ولو حصل واتجمعنا... كل واحد يشكي همه 
ومشاكله ... ومتاعبه ....ده بخلاف الأحداث اللي علي الساحه السياسيه... 
والمناظر المؤسفه و المحزنه ... اطفت علي القلب الحزن ... والياس
اصبح العيد اجازه من ضغوط الشغل والروتين اليومي ... ليس لصله الرحم
فين الفرحة بتعت عدية العيد اللى كان الواحد بيتفنن انه ازاى يصرفها
ويشهيص نفسة بيها .....فين .... وفين ....وفين هانقعد نقول فين لحد الصبح
فى الاخر اقولكم كل سنة وانتم طيبن
مبروك عليكم الرنجة
وماتاكلوش كتير ليجيلكو تخمة
وتمشوا محتاسين وضاربين لخمة

28‏/08‏/2011

لية قررت اكتب ؟

احب فى اول كلامى اقول سلام داة اول بوست اكتبة فى مدونتى انا مين سؤال جميل اسمى احمد بيومى  بشتغل مهندس انتاج فى مجال الاغذية سنى 25 سنة يعنى زى مابيقولوا كدة عايش بقالى كتير.انا شخصية هادية موت وكلامى قليل جدا قوى الشكيمة ,حد الذكاء ,من اشيك ثلاث شباب فى مصر يلا هو الكلام بفلوس ...... بحلم احقق نفسى فى شغلى واوفر عيشة كريمة لنفسى ولاهل بيتى .
انا النهاردة حاجة غريبة جدا انا لقيت نفسى طقت فى دماغى فكرة انى عايز اكتب اللى يجى على بالى او اللى بيدور فى دماغى وكنت سمعت عن موضوع المدونات او فكرة التدوين مع انى اصلا معرفش فيها اووووى علشان كدة قولت ادى العيش لخبزة قررت انى استعين بصديق زى ما علامنا عمو جورج ولانى من فترة متابع احد من اقرب واعز واحب اصحابى واكتشفت انها عندها اسلوب فعلا مميز فى الكتابة وانا بحاول انى اتابع اللى هى بتكتبة فاقولت لنفسى روح للى بيفهم فى الموضوع داة علشان يعرفنى ازاى ابدء وفعلا رحت وسالت  صحبتى البنوتة اللى زى العسل وهى متاخرتش عنى فى حاجة زى عويدها وخلتنى ابدء بس انا  بجد سالت نفسى سؤال هو لية انا فعلا قررت انى اكتب الصراحة الاجابة مش واضحة جوايا دلوقتى يمكن لحاجات كتير اولها انى ممكن الواحد عن طريق الكاتبة بيطلع حاجات جواة ميقدرش يقولها ليف اوووو يمكن انى حساس انى الفترة الاخيرة مش مبسوط زى الاول فاقولت لنفسى يمكن لما اكتب اللى فى بالى او اللى بفكر فية يمكن الموووود يتغير ويبقى احسن يمكن عجبتنى الفكرة انى ادون الاحداث اليومية اللى بتحصلى او اللى انا بفكر فيها المهم انى 
خدت القرار انى اكتب وخلاص ويارب ماتقلش عليكم