انا النهاردة حاجة غريبة جدا انا لقيت نفسى طقت فى دماغى فكرة انى عايز اكتب اللى يجى على بالى او اللى بيدور فى دماغى وكنت سمعت عن موضوع المدونات او فكرة التدوين مع انى اصلا معرفش فيها اووووى علشان كدة قولت ادى العيش لخبزة قررت انى استعين بصديق زى ما علامنا عمو جورج ولانى من فترة متابع احد من اقرب واعز واحب اصحابى واكتشفت انها عندها اسلوب فعلا مميز فى الكتابة وانا بحاول انى اتابع اللى هى بتكتبة فاقولت لنفسى روح للى بيفهم فى الموضوع داة علشان يعرفنى ازاى ابدء وفعلا رحت وسالت صحبتى البنوتة اللى زى العسل وهى متاخرتش عنى فى حاجة زى عويدها وخلتنى ابدء بس انا بجد سالت نفسى سؤال هو لية انا فعلا قررت انى اكتب الصراحة الاجابة مش واضحة جوايا دلوقتى يمكن لحاجات كتير اولها انى ممكن الواحد عن طريق الكاتبة بيطلع حاجات جواة ميقدرش يقولها ليف اوووو يمكن انى حساس انى الفترة الاخيرة مش مبسوط زى الاول فاقولت لنفسى يمكن لما اكتب اللى فى بالى او اللى بفكر فية يمكن الموووود يتغير ويبقى احسن يمكن عجبتنى الفكرة انى ادون الاحداث اليومية اللى بتحصلى او اللى انا بفكر فيها المهم انى
خدت القرار انى اكتب وخلاص ويارب ماتقلش عليكم
احم احم
ردحذفاولا مبسوطه انى خليتك تفكر فى موضوع التدوين ده
مبسوطه اكتر انك بدأت تكتب فعلا وهتطلع اللى جواك
وكلامك كمان حلو عشان انا عارفه انك بتعرف تضحك اى حد
انا بس عايزه اعرف هو انت قصدك مين اللى كلامه قليل وهادى؟؟؟؟ عشان اكون عارفه بس .. اصل حاسه انك بتتكلم عن واحد تانى غيرك !!
الكتابه فعلا بتخلى الواحد يكتب حاجات هو ماكنش متخيل انه يفكر فيها اصلا
زى ما بتمسك ورقه وقلم وتشخبط فيها
هتلاقى فى الاخر ان الشخبطه دى بتعبر عن حاجات جواك انت مش واخد بالك منها خالص
الكتابه كمان بتريح كتير اوووى
فى كلام بتحس ان ماينفعش تقوله لحد لان يمكن ماحدش هيفهمك او ماحدش يسمعلك او..او...
انما لما تكتب فى المدونه او فى اى حته ماحدش هيقولك انت بتقول ايه ولا حد هيغلطك ولا هتخاف ان كلامك يضايق حد
زى ما انا قولت فى اول ما عملت المدونه بتاعتى
هابقى انا وصدى صوتى فى المدونه
كمان ده هيخليك تسجل لحظات كتير فى حياتك منها الحلو ومنها اللى مش بتحبه
الحلو عشان تفضل فاكره دايما
والوحش عشان تتعلم منه ومش تكرره تانى
وتقارن بين احوالك فى كل وقت وتوصل للاحسن دايما
معلش انا طولت اوى
بس مبسوطه بيك وبالمدونه بتاعتك يا احمد
وان شاء الله اقرالك بوستات كتير بقى
لما اقول هادى وكلامى قليل يبقى هادى وكلامى قليل ولا اية........ حنفى!!!!!!!!!! خلاص هاتنزل المردى وشكرا ياستى على التعليق الجميل داة ولما نشوف موضوع الكتابة داة هايودينا لفين يامعلمتى .
ردحذف